Birgir á þremur yfir pari eftir níu holur

Eftir að hafa fengið tvo skolla á fyrstu fjórum holunum á Scandinavian Masters í Svíþjóð bætti Birgir Leifur Hafþórsson við sig snúningi og fékk fjögur pör í röð. Birgir er því kominn á þrjú högg yfir par þar sem hann fékk skolla á 9. holu sem er par 3 hola.

Sem stendur er Birgir Leifur í 109. sæti í mótinu ásamt 18 öðrum kylfingum en keppni stendur enn yfir í Svíþjóð. Enn hefur enginn skákað Scott Strange sem lauk leik í dag á sex höggum undir pari. Þeir Sam Walker og Fredrick Qvicker eru í 2.-3. sæti á fimm höggum undir pari.

Kylfingur.is