Vor daglegi lestur

Fer lestur minnkandi? Varla. Aðeins helstu fyrirsagnir íslenskra netmiðla á hverjum morgni eru meira en 1000 orð. Fréttirnar amk. tíu sinnum lengri. Á einu ári samsvarar lengd helstu fyrirsagna á Netinu þremur skáldsögum sem væru hver um sig jafnlöng og Njála.

Og þá eru prentmiðlar ótaldir, svo og bækur. Nei, lestariðkun er ekki að leggjast af. En vitanlega fer það eftir lesefninu hversu þroskandi það er að lesa.

INNLENT: Innbrot í Höfnum. Fylgi VG minnkar. Jarðskjálftahrina í Öxarfirði. Flestallir hálendisvegir lokaðir. Hús í Vestmannaeyjum eyðilagðist í eldi. Fleiri konur doktorar en körlum fækkar. Landsfundi Sjálfstæðisflokksins lýkur í dag. Má heita Gídeon. Vinstri græn missa fylgi. Enginn með allar lottótölur réttar.

ERLENT: Offitugen fundið. Þrjátíu og sjö látnir eftir flóð. Flugeldur lenti á gestum í Tívolí. Vinir geitarinnar hafna Freud. Jarðskjálfti í Japan. Nágrannaríki Írans þróa kjarnorku. Vill leggja niður konungdæmi í Noregi. Vítisenglar með góðgerðaveislu. Kasparov sektaður um 2500 krónur fyrir ólæti. Hráolíuverðið lækkaði í vikunni. Áframhaldandi blóðbað í Írak.

VIÐSKIPTI: Framkvæmdastjórinn rekinn. Buffett ekki lengur næstríkastur. Hlutabréf gáfu mest. Tchenguiz kominn með rúm 5%. Forstjóri Norðuráls lætur af störfum. Eigendaskipti að Icepharma. CCP hagnaðist um hálfan milljarð. Aðferðum við útreikning á viðskiptahalla ekki breytt.

ÍÞRÓTTIR: Hélt að ég hefði slitið krossböndin. Endurkomu Nevelle seinkar. Kelly fór holu í höggi. Real Madrid tapaði. Alonso fagnar samkeppni. Fisichella gefst upp. Loksins sigur.

FRÆGT FÓLK: Alltaf í megrun. (Gwen Stefani hefur verið í megrun síðan hún var tíu ára). Tallullah Willis skiptir um nafn. Fyrsti Bond-leikarinn látinn. Bretaprins og kærastan hætt saman. Alicia Silverstone hætt í kleinuhringjunum. Melania Trump: Undravert að vera móðir.

P.S. Er ekki lífið dásamlegt?