Kaldara kaffi er komið út

Eins og allir ættu að vita hafa Rockstar Games svo sannarlega verið í vandræðum undanfarið eftir að Hot Coffe kóðinn kom í ljós og leysti úr læðingi falda kynlífsleiki í GTA San Andreas. Nú hafa Rockstar séð að sér og gefið út "plástur" til að hreinsa öll PC eintök af leiknum. Á netsíðunni www.nomorehotcoffee.com er hægt að hlaða niður plástri sem er 11.2 Mb að stærð, og lokar fyrir það að hægt sé að stunda "saurugt" háttalag, eins og það hefur verið orðað. Það þykir nokkuð skondið að þau saklausu augu sem mega ekki við því að sjá eitthvað jafn klúrt og Hot Coffee býður uppá, virðast ekkert setja sig upp á móti því ofbeldi sem leikurinn býður uppá.